¡Dekáta wajuk íman emamainaita 48 chicham tuke nugkentin ainau chichame Perunum ayawa nunú!

Tuke batsamnu chichame megkaetaig wajuk antugdaitai ainawa duke megkaetsui, dekas ashi dekati ainau nuwigtu pujutnash wajuk anentaimtus batsatua nujai. Ataktu imanuk ati taku wajukmainaita nunu dekata.

Perunum awai 4,5 millones peruanos 48 chicham tuke batsamin ainau chichataiji aina nuwiyan makichkish chichainau. | Fuente: Pluspetrol

Perunum awai 4,5 millones peruanos 48 chicham tuke batsamin ainau chichataiji aina nuwiyan makichkish chichainau,  tsawantai nunia duka imanika eme anentsa uyumasa diyamu atsawai chichata dukechu, ashi unuimatji aina nunu.

Juju chicham aina jujuwai 55 shiwag tuke batsamin ainau antugdaitai dekas iman yachameakmau wegaka nunu. Iman asamtai iwainaja kuwitamainai yaunchuk nagkamas au akuish, dekas betek antugdayat ati tuu anentaiyai, betek antugdaika ajantunisa batsatam ashi batsatkag duka betek umigdaimau ati tusa.

¿Wagka megkagainawa tuja wagka awagkish eme anenmainaita?

Juti chichame ainau megkaeji. Dirección de Educación Bilingüe (DIGEIBIRA) Ministerio de Educación iwaina nuwig. 37 tuke batsamnu chichame megkaejae tuja 21 megkaejattak puyatjumain awai. ¿Wagka jusha juniawa? Dita nuniuk asae jinamunum tuja kakajus tsuwamamainchau batsatmaunum, tuke batsamin ainaujai takastin shiig mamikiachmaunum nuwigtu dakitdaiku tupandayamunum.

Antsag, yaakat muun aina nuwi pachia batsachmaunum: juna chichau ainau yaaktanum weenak, wainainawai ima español chichamaik antugdaimainun nuniak anentaimainawai tikich chicham ainau “imá pegkeg” tusa nuniachkush “kuwashat nunimain” anentaimainawai.

Juti chichame eme anentamu pegkejai wagki, Ministerio de Cultura tawa nunisag, juju yaijatui ditash tikish aina nuwi pachitkau atanum, emetmamja tajimtameamunum, papi aujut jintinku ujunauch ata imijiamu, ashi peruanos ainau dutikmain betek emaku. Antsag, aents ainau ayamke wegaka nuwish pachitkawai nuwigtu tuke batsamin ainauk agkan atinme tamauwa nuwi, antsag dekati ainaush pujuta nuwig ashitinu timau asamtai.

¿Wajina dutikmainaitja yaimkatag takunush?

Tuke batsamnu chichame megkaejai tusa dutikmain anentaimtusa amék iniimkumek, juju adeagta:

- Wakekata unuimaku iwainamain juju tuke batsamnu chichame ainau: achuar, awajún, quechua, aimara, yine, matsigenka, etc.

- Tuke batsamnu chichame dekau akumek, pataim ainau tsawan sumamtusam jintintuata. Akiinak wega nuwi jintinkagtamua nunuwai chichamjui megkaekai tamaunum yaijata duka.

- Batsatkam nuwi takastá wakejusa anentaimtaku iutkauk ata nunu anentai atinme aents ainaunum tusam.

- Aentsjai ijunja takatai ajutjamkuig, ajutjamti aents tuke batsamnu chichamen dekau chichatnum nuwigtu agatnashkam, antsag papi nunu chichamai agakmaushkam atinme.

- Nuninai tusa augmattsaipa. Makichkish aentsuk tupanmaitsui yaa aentsuita nuwig, niimen, anentain nuniachkush chichamenig. Jumamtin wainkumek, apunum etsegtukta. 

- Yajaneas tuke batsamin ainau nugken wegakmek, ujumak chichamkesh unuimasa dekapsata dita chichamenig antugdaimain asamtai.

- Unuimatnum yaimkata (ejesamtai ainau, papi agat ainau, dakumau ainau) tuke batsamnu chichamegai janakamu aikasmek ashi dekati ainau.

- Apu takajin aina nuwig aents tuke batsamnu chichamen dekau pujuti tusa titá, antsag ati papi dita chichamegai najankamushkam.

---

ENCUENTRA ESTA NOTA TRADUCIDA AL ESPAÑOL EN ESTE ENLACE: ¡Conoce cómo revalorizar las 48 lenguas originarias que existen en el Perú!

¿Qué opinas?