Perú suyunxa 48 aruwa utji, ukaxa 55 markana amuyunakapa arsuyiriwa. | Fuente: Pluspetrol

Uraqpachanxa 370 waranqana waranqapa jaqiwa “indígena” sasa sutichata markanakanki, jupanakaxa  7 waranqa kunaymana arunakatha maynïrjama arsupxixa. Perú suyunxa 48 aruwa utji, ukaxa 55 markana amuyunakapa arsuyiriwa.

Jichha chipa maranakanxa arunakana sartayañataki ch’amt’ata utjaskiwa, ukaxa aski wakisirïskiwa. Ukhama sipanxa 2007tha 2017 marakamaxa akhama jiltawinakawa utjaski: 11 536  shipibo arsuri jaqinakawa yapasitayna, 814 kukama kukamiria arsuri jaqirakiwa yapasitayna.

Organización de las Naciones Unidas para la Educación, la Ciencia y la Cultura (UNESCO) ukaxa, arunakana marapana akïri 8 aruwa jilapacha arsutaxa Perú markana siwa:

Quechua: 3 360 331

Aimara: 443248

Ashaninka: 88 703

Awajun: 55 366

Shipibo-konibo: 22 517

Shawi: 21 650

Matsigenka: 11 275

Achuar: 11 087

Walja lurañawa utjaski: 21 arunakawa chhaqt’irjama

Ministerio de educación ukaxa akhama siwa: 37 arunakawa chhaqatäxapuni, 21 arurakiwa chhaqtirjamäxi, sasa. Uka arunaka jaktayañaxa aski wakisiriwa, markanasaka jakawipa, aruskipawipa yäqatäñapataki, ukatha taqinimpisda suma sarnaqañataki.

UNESCO, Ministerio de Cultura jupanakana amuyupanxa akïri 7 arunakawa patakatsa pisiki arsurinikipxixa, ukhama sipanxa chhaqtaña patankiwa:

Taushiro: 1

Muniche: 3

Iñapari: 4

Kawki: 11

Resigaro: 37

Chamicuro: 63

Ocaina: 97

Ukhamarusa, akïri arunakawa “chhaqtirpacha” sataxa: bora, murui miunani, yagua, yanesha ukanaka. Akïri arunakarakiwa “sintipacha chhaqtirjama” sataxa: amahuaca, arabela, kapanawa, kawki, chamicuro, iñapari, ikitu, iskonawa, jaqaru, kukama, kukamiria, maijiki, muniche, ocaina, omagua, resígaro, shiwilu y taushiro, ukanaka.

---

ENCUENTRA ESTA NOTA TRADUCIDA AL ESPAÑOL EN ESTE ENLACE: Conoce las 8 lenguas originarias más habladas en el Perú

¿Qué opinas?